Edhe pse policia doli me një njoftim zyrtar sa i takon vrasjes së nënkomisarit në Lezhë dy ditë më parë Saimir Hoxha, duket se hetimet për këtë ngjarje të rëndë janë më të thella.
Organi akuzës, në fokus të këtyre hetimeve ka ndërmarrjen e operacionit për asgjësimin e 62 rrënjë kanabisi. Pritet të zbulohet se kush e urdhëroi këtë operacion dhe nga erdhën indiciet për parcelën e kanabisit. Prokuroria e Lezhës gjithashtu është duke punuar intensivisht e po kryen verifikime se përse në këtë operacion 3 efektivët e policisë vetëm që nuk kishin mbështetje të strukturave vendore të Policisë së Lezhës në sektorin anti-kanabis dhe nuk ishin pajisur as me mjete mbrojtëse, në rast sulmi, ashtu edhe siç ndodhi.
Mësohet se në veprimet hetimore nuk është përfshirë policia kriminale e Policisë së Shtetit, pasi ka qenë edhe në konflikt interesi, ku në ngjarje mbeti viktimë një efektiv policie. Ndërkohë një tjetër pistë ku janë përqendruar hetimet është edhe asgjësimi i parcelës.
Sipas burimeve organet ligjëzbatuese po punojnë për identifikimin e pronarëve të kanabisit. Kjo pasi ka dyshime se Aldi Rama, dhe dy shokët e tij, dyshohet se kanë pasur dijeni për parcelën.
Në sitën e hetimeve për këtë ngjarje është edhe një detaj, ku dy kolegët e viktimës, në momentin që qëlluan ndaj 21-vjeçarit, kur ky i fundit u largua pasi i ekzekutoi Hoxhën një nga predhat ka kapur gomën e mjetit Volksëagen, duke e shpuar atë. Ka qenë pikërisht goma e shpuar që ka detyruar të riun të ndalojë vetëm 1 km larg vendit të krimit dhe të fshihej aty për gati 6 orë, deri kur kreu edhe vetëvrasjen, pasi u rrethua nga forcat speciale RENEA.
Theksojmë se nëse i riu nuk do të kishte kryer aktin e rëndë të vetëvrasjes do të ndodhej në qeli me akuzën për disa veprave penale mes të cilave ajo më kryesorja është “Vrasje me dashje”. Sakaq dy shokët e tij, të cilët kanë qenë dëshmitarë të ngjarjes, Armando Marku, 26 vjeç dhe Kristian Sheri, 27 vjeç, dy shokët e autorit, të arrestuar për moskallëzim krimi, janë marrë në pyetje prej disa orësh ditën e djeshme nga Oficerët e Policisë Gjyqësore Lezhë, për të përfituar të dhëna mbi zbardhjen e plotë të kësaj ngjarjeje.
