Ndërsa jemi në kohë fushate, vartësit e kryebashkiakëve dhe jo vetëm, po “luftojnë” me kohën që të sigurojnë pikët që ua llogarit programi “Aktiv1sti”. Sot janë publikuar nga eksperti i IT, Gent Progni, 20 profile të punonjësve të Administratës që përdorin këtë platformë për t’u bërë “share”, koment dhe “like” postumeve të shefave të tyre.
Nga këto të dhëna shohim se përdorues të “Aktiv1st” janë punonjës bashkie, të ISSH, punonjës të zyrave arsimore dhe ministri. Por, së pari duhet të sqarojmë se pozicionet e tyre të punës janë gjetur në listën e pagave që u publikuan në vitin 2021 dhe niveli i pikëve është marrë nga lista e fundit me të dhënat e Aktiv1st, çka do të thotë se ata kanë grumbulluar më shumë pikë nga çdo të shfaqim më poshtë.
I pari shihet në video Ermal Kapllanaj, i cili rezulton të jetë Shefi i Policisë Bashkiake të Tiranës. Kapllanaj është përfshirë edhe në skandale të tjera. Në vitin 2018 në një publikim mediatik raportohej shqetësimi i një qytetareje mbi zhurmën e përnatshme që vinte nga ky lokal. Por, policia nuk ndërhynte për të shpëtuar banorët nga zhurma e madhe, pasi lokali Anarkia” ishte në pronësi të Shefit të Policisë Bashkiake të Tiranës, Ermal Kapllanaj dhe një polici tjetër.
Prandaj, sikur shohim se deri në përditësimin e para disa javëve Kapllanaj ka mbledhur 21 pikë duke i bërë share postimeve të Veliajt, Madje sikur duket në foto, ai shpërndan çdo foto të aktivisteve që bënë kryebashkiaku dhe komenton në to.
Vartësit e Gledjan Llatjas
Po kaq të flaktë dhe të përkushtuar për t’i bërë reklamë shefit të tyre janë edhe punonjësit e Bashkisë Elbasan. Madje në kohën kur është publikuar lista ata kishin numrin më të lartë të pikëve, por nuk e dimë se si ka ndryshuar situtata më çeljen e fushatës zgjedhore.
Përmendim nga ky grup i Glejdan Llatjas, profilin e Ariatik Qosja, i cili rezulton të jetë punonjës në Bashkinë Elbasan. Ai ka mbledhur mbi 30 mijë pikë dhe përveç se shpërndan postes e kryebashkiakut, i shoqëron ato me ndonjë përshkrim pikant.
Njësoj vepron dhe kolegia e tij Dorina Rroseni, e cila me sa duket do ketë marrë ndonjë kritikë, pasi kishte mbledhur asaj kohe diku te 27 mijë pikë. Dhe administratorët e Aktiv1st u “tërheqin” veshin atyre që janë mbrapa me pikë dhe nuk i kanë rritur sa duhet klikimet dhe “reachet” kryebashkiakut Llatja.
Edhe kolegia tjetër e tyre Lorena Haxhiymeri është një nga përdorueset e rregullta të “Aktiv1st”, ajo shpërndan edhe postimet e deputetëve të zonës, jo vetëm të kryebashkiakut. Kështu mbledhë më shumë pikë dhe e marrin me sy të mirë.
“Aktiv1stët” e Arsimit
Lufta për të mbajtur vendet e punës bëhet edhe në zyrat arsimore. Kështu në këtë listë nuk mungoj as punonjësit e këtyre institucioneve. Ndër ta përmendim Sokol Çelanjin, i cili rezulton të jetë punonjës in Qendrës Ekonomike të Arsimit dhe ka arritur të mbledhë më shumë se 25 mijë pikë.
Po në këtë sektor kemi si përdoruese të Aktiv1st edhe Antoneta Sutën, e cila punon në Zyrën Vendore Arsimore Lezhë.
Ndërsa këtë listë shohim edhe nga institucionet në Fier të cilët ngrenë në piedestal Sokol Ballën me komentet e vazhdueshme dhe përshkrimet përmes postimeve në Facebook. Përmendim nga këta Enri Lulajn, i cili është drejtor at Qendra Multifunksionale Horizont Bashkia Fier,.
Gjithashtu në video shihen edhe punonjës të Kuvendit, apo të Institutit të Sigurimeve Shoqërore. Me pak fjalë qeveria “Rama” i ka angazhuar të gjithë punonjësit e Administratës te “Aktiv1st”, prandaj detyrat që iu takojnë i bëjnë shkele e shko.
Lexo edhe: “Ushtria” e PS-së/ Zbardhen emrat e Aktiv1st, 90% punojnë në Administratë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post