Një 36 vjeçar ka rënë në prangat e policisë së Tiranës pasi akuzohet se ka ngacmuar seksualisht një të mitur. Policia bën me dije se i arrestuari është V.B. 36 vjeç i cili ka ngacmuar seksualisht një të mitur, 13-vjeçare.
“Specialistët për Hetimin e Krimeve në Komisariatin e Policisë Nr. 6 bënë arrestimin në flagrancë të shtetasit V. B., 36 vjeç, pasi ka ngacmuar seksualisht një shtetase të mitur, 13-vjeçare’, thuhet në njoftimin e policisë.
Rastet e ngacmimeve seksuale me të mitur, fatkeqësisht janë mjaft të shpeshta në vendin tonë ku jo pak herë fëmijë apo vajza të reja në moshë e denoncojnë këtë fenomen.
Discussion about this post