Një 42-vjeçar, i identifikuar si Edison Tirana, ka shpëtuar nga një atentat i rëndë mbrëmjen e së shtunës, teksa automjeti i tij u qëllua disa herë me armë zjarri pranë rrethrrotullimit të Koplikut, në aksin Shkodër–Han i Hotit.
Sipas burimeve hetimore, gjithçka ka nisur më herët gjatë ditës në doganën e Hanit të Hotit, ku palët u përplasën verbalisht e fizikisht për motive të dobëta. Përplasja ka vijuar edhe në rrugë, me parakalime të njëpasnjëshme dhe sjellje agresive, derisa situata ka degraduar në përdorimin e armëve.
Teksa po largohej drejt Shkodrës, Edison Tirana u qëllua në drejtim të automjetit të tij.
Fatmirësisht plumbat nuk kapën 42-vjeçarin, por në tentativë për të shpëtuar, ai humbi kontrollin dhe u përplas me bordurën e një karburanti, duke dëmtuar rëndë automjetin.
Pas këtij momenti bëhet me dije se nën kërcënimin e armës 3 personat e tjerë e kanë dhunuar edhe fiziklisht 42-vjeçarin e më pas janë larguar.
Edison Tirana ka mbërritur Rreth orës 19:30, në Urgjencën e Spitalit Rajonal Shkodër me dëmtime në kokë dhe trup, të shkaktuara nga goditje me sende të forta.
Sapo është njohur me ngjarjen policia e shkodrës ka ngritur edhe një grup hetimor, i cili aps dëshmive të marra nga personi i plagosur dhe verifikimit të kamerave të sigurisë ka identifikaur personat e përfshirë në këtë ngjarje duke lëshaur 3 urdhër arresti.
Dy vëllezërit Gjovalin Gjekaj 63 vjeç dhe Pëllumb Gjekaj 51 vjeç u arrestuan pak orë më pas, ndërsa në kërkim është shpallur në 34-vjeçar me inicialet K. Gj.
Gjatë kontrollit në banesë atyre iu është gjetur një armë zjarri tip pistoletë, e cila është sekuestruar bashkë me 4 automjetet që dyshiohet se janë përdorur në këtë ngajrje.
Ndërkohë gjatë këqyrjes së automjetit të 42-vjeçarit Tirana hetuesit gjetën pesë predha kallashnikovi në pjesën e pasme të tij. Një tregues që kjo ngajrje mund të kishte përfunduar me pasoja shumë më të rënda.
Deri tani, motivet e sakta të ngjarjes mbeten të paqarta, ndërsa policia po verifikon nëse sulmi lidhet drejtpërdrejt me konfliktin e ndodhur më herët në doganë, apo ka të tjera përplasja mes tyre ka të tjera arsye.
Njoftimi i Policisë
Malësi e Madhe/ Kanosën me armë zjarri pistoletë dhe goditën me sende të forta një 42-vjeçar, gjatë një konflikti për motive të dobëta, vihen në pranga dy vëllezër dhe shpallet në kërkim një 34-vjeçar.
Sekuestrohet një armë zjarri pistoletë, si dhe 4 automjete.
Specialistët për Hetimin e Krimeve të Komisariatit të Policisë Malësi e Madhe, në bashkëpunim me shërbimet e DVP Shkodër, të mbështetura nga shërbimet e Forcës së Posaçme “Shqiponja”, menjëherë pas marrjes së njoftimit se në aksin rrugor “Koplik – Shkodër” një shtetas ishte kanosur me armë zjarri, organizuan punën për kapjen e autorëve dhe zbardhjen e rrethanave të rastit.
Si rezultat i veprimeve të shpejta, u kapën në flagrancë dhe u arrestuan shtetasit Gj. Gj., 63 vjeç, dhe P. Gj., 51 vjeç, banues në fshatin Bajzë.
Gjithashtu, u shpall në kërkim shtetasi K. Gj., 34 vjeç, banues në fshatin Bajzë.
Nga hetimet dyshohet se këta 3 shtetas, gjatë një konflikti për motive të dobëta, kanë qëlluar me armë zjarri në pjesën e pasme të automjetit dhe pas ndalimit në afërsi të rrethrrotullimit në hyrje të qytetit të Koplikut, kanë goditur me sende të forta, duke i shkaktuar dëmtime shtetasit E. T.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post