Spartak Ngjela, i cili drejton partinë “Ligj dhe Drejtësi” zbuloi sot në emisionin “Breaking” se do të hyjë në zgjedhjet e ardhshme parlamentare, duke iu rikthyer kështu politikës aktive.
Madje, avokati ka menduar edhe me cilin do të bëjë koalicion në këto zgjedhje, duke përmendur emrin e Lulzim Bashës. Ky i fundit drejton atë që njihet si PD e vulës, meqë çështja e kësaj partie, vijon të mbahet peng në Gjykatë.
“Do kthehem në këto zgjedhje. Dita kur, varet kur ta shikoj unë si mundësi. Do dal me partinë time, është vetëm elektorale, nuk është me sistem, sistemi krijohet dhe funksionon në momentin e zgjedhjeve. Kompromise do kemi djathtas. Partia ime quhet ‘Ligj dhe drejtësi’. Djathtas… më afër është Basha. Sepse është parti amerikane, nuk është pak ajo”, u shpreh Ngjela.
Tashmë pritet që Ngjela dhe Basha të zyrtarizojnë bashkëpunimin mes tyre. Të paktën një gjë është e sigurtë, që edhe nëse Gjykata vendos që Lulzim Basha të mos njihet më si kryetar partie, ai mund të shpresojë të përfshihet në listat e partisë që drejton avokati…
Discussion about this post