Avokat Spartak Ngjela ka deklaruar ditën e sotme se në të vërtet nuk ka pasur një konflikt mes ish-kryeministrit Sali Berisha dhe kryedemokratit Lulzim Basha. Sipas tij, gjithë këto ngjarje erdhën për shkak se Basha është “i preferuari” i Amerikës dhe shpallja ‘non-grata’ i Berishës, i hapi rrugën Bashës. Sipas Ngjelës, Basha nuk e largoi me dëshirë Berishën nga PD, por thjesht ndoqi urdhrat e Uashingtonit.
“Basha është favorit i Uashingtonit këtu, sepse ka vepruar sipas kërkesës së politikës amerikane. Nuk ka pas një konflikt Basha-Berisha, por Basha me ultimatumin amerikan nxori nga grupi i PD Sali Berishën, sepse është “non grata” me gjithë familjen për korrupsion dhe një varg shkeljesh penale. Nëse nuk largohej Berisha, do dilte e gjithë PD “non grata”. Njërin e pranon SHBA, tjetrin nuk e pranon”, është shprehur Ngjela përmes një prononcimi për mediet. Sakaq, kujtojmë se që nga momenti kur Basha vendosi të largojë Berishën nga partia marrëdhëniet mes tyre janë prishur dhe në dhjetor kanë organizuar nga një Kuvend secili më vete.
Discussion about this post