Kryetari i Partisë Demokratike Sali Berisha në mbledhjen e sotme të grupit parlamentar, i bëri thirrje mjekëve dhe infermierëve që të reagojnë për pagat e tyre të ulëta dhe sistemin e rrënuar shëndetësor. Ai theksoi se në 8 vite, Shqipëria ka rënë në 1 mjek për 1100 banorë, raport që sipas tij është alarm për bluzat e bardha dhe për kombin.
Berisha mbledh grupin parlamentar: Doktoratura është element thelbësor.Sot kemi studiues që absolutisht kanë studime origjinale e themelore, me qindra. Vuri në krye të arsimit një person që kishte pasur probleme serioze me shkollimin e vet dhe tani pasi i ka fundosur 8 vite me radhë duke i mbajtur pa kërkime shkencore, duke u mbajtur rrogat në rënie çdo vit dhe tani u sulet kur ato kanë kërkesat më minimale, sikur e ka nxjerrë Enver Hoxha nga hunda.
Kush është ky që tregon Vettingun? Kreu i organizatës më kriminale në Europë, që firmos qindra milionë dollar në një kohë që s mundet se është në kundërshtim flagrant mbi ligjin. U kërkon vetting pedagogëve ky i pafytyrë. Ky që u përmend si “hanxhar” vettingun pedagogëve, ky ka saraje.
Ky bën presione nga më të paligjshme dhe kulmon kur thotë do marr studentë nga jashtë. Ky po sulmon për të shkatërruar elitën shqiptare, Enver Hoxha këtë gjë ka bërë të parën. Ky në mënyrën më skandaloze deklaron se Italisë i mungojnë 40 mijë mjekë, por mor zotëri pos a e di sa e ka popullatën? Numri i mjekëve është përcaktues për trajtimin e qytetarëve, në këto 8 vite kemi zbritur një mjek në 1100 banorë, absolutisht! Kina ka dy mjekë për 1 mijë banorë që ka 1 miliard njerëz.
Po e shkatërron sistemin e mjekësisë përfundimisht, u bëj thirrje bluzave të bardha, po shohin sistemin teksa rrëzohet para syve të tyre, të ngrihen fuqishëm. Kemi sistemin shëndetësor më të shpartalluar, mjekët janë pa mbrojtje, pa maska, pa uniforma. Është kohë që mjekë dhe infermierë të mobilizohen, pse ata duhet të marrin 50% më pak rrogë se në Kosovë? A është kjo gjendja e Shqipërisë?
Discussion about this post