Federata Ndërkombëtare e Historisë dhe Statistikave të Futbollit e ka shpallur lojtarin e Paris Saint-Germain dhe Italisë, Gianluigi Donnarumma, portierin më të mirë të vitit 2021.
Ish-gardiani i Milan, i cili e ndihmoi klubin të kthehej në Champions League duke përfunduar i dyti në Serie A 2020-2021, iu bashkua PSG-së gjatë verës.
Kontrata e tij me ‘Djallin’ skadoi dhe italiani vendosi t’i bashkohet gjigantëve francezë, ku ka pasur vështirësi për të luajtur për shkak mos gjetjes së hapësirës prej Keylor Navas.
Por 22-vjeçari është zgjedhja e parë mes për Kombëtaren e Italisë dhe ishte një anëtar i rëndësishëm i ekipit që fitoi ‘Euro 2022’.
Federata Ndërkombëtare e Historisë dhe Statistikave të Futbollit e shpalli portierin e ri si “portierin më të mirë në botë në vitin 2021” në çmimet IFFHS.
“Italiani Gianluigi Donnarumma është kurorëzuar si portieri më i mirë në botë në vitin 2021 me 170 pikë, 95 më shumë se Manuel Neuer, rekordmeni gjerman i Trofeve të IFFHS”,- thuhet në një deklaratë.
“Donnarumma ishte një nga heronjtë italianë që fitoi EURO 2020 dhe e pengoi Neuerin që të bëhej rekordmeni i vetëm i më shumë trofeve të IFFHS. Vendi i tretë në renditje për vitin 2021 shkon për Edouard Mendy, i cili fitoi UEFA Champions League me Chelsean, duke u bërë një nga surprizat e mëdha të vitit!”-shtohet në këtë deklaratë./K.T/Gijotina.com
Discussion about this post