Cristiano Ronaldo ka zgjedhur të jetë pranë Lionel Messit në një prej momenteve më të vështira për yllin argjentinas.
Ronaldo reagoi ndaj postimit të parë të Messit pas ndarjes nga jeta të babait të tij, Jorge Messi.
Portugezi i përcolli rivalit të tij të përhershëm në futboll një mesazh ngushëllimi dhe mbështetjeje.
“Një përqafim i madh për ty dhe familjarët e tu në këto kohë të vështira, Leo. Shumë forcë!”, shkroi Ronaldo.
Gjesti i tij mori vëmendje të veçantë, duke pasur parasysh rivalitetin që për vite me radhë ka shoqëruar dy prej futbollistëve më të mëdhenj të historisë.
Përtej dueleve në fushë, Messi dhe Ronaldo kanë ruajtur ndër vite një raport respekti të ndërsjellë.
Vetë Messi zgjodhi të flasë publikisht për humbjen e babait përmes një dedikimi emocional në rrjetet sociale.
Në fjalët e tij, argjentinasi rikujtoi figurën e Jorge Messit dhe ndikimin që ai pati në rrugëtimin e tij, duke qenë pranë tij që nga hapat e parë në futboll deri në majën e karrierës.
Në një moment zie për Messin, mesazhi i Ronaldos riktheu edhe një herë në vëmendje anën njerëzore të marrëdhënies mes dy rivalëve historikë.
Discussion about this post