Niko Peleshi hap palestër, 270 milionë lekë tender në kohë krize, fiton maqedonasi

Një tjetër tender abuziv është hapur, por këtë herë nga Ministria e Mbrojtjes që drejtohet nga ministri korçar Niko Peleshi.

Procedura e hapur, nuk është gjë tjetër veçse blerje luksi që nuk ka lidhje me asnjë lloj investimi ndaj qytetarëve. Peleshi mendon të hapë një palestër në këtë kohë krize për të cilën i ka dhënë nga paratë e popullit mbi 270 MLN Lekë një biznesmeni maqedonas me emrin Emir Shefiti. Ky i fundit rezulton administrator i kompanisë EUROVIA ndërsa zotërues dhe themelues i saj është Elmedin Ademi.

Në dokumentin e siguruar nga gijotina.com thuhet se ministri korçar kërkon të blejë 26,870,760 ose rreth 270 milionë lekë të vjetra për “Ndërtim palestre në Repartin Ushtarak”. Procedura e hapur mban numrin e referencës REF: 12916-11-24-2021

Duket se Ministria e Mbrojtjes e ka bërë të udhës që tenderët me vlerë marramendëse t’ia japë një biznesmeni shqiptar nga Maqedonia e Veriut.

Abuzimi me fondin e shtetit, është duke kaluar çdo pritshmëri.

Hapja e kësaj procedure vjen në një kohë kur buxheti i shtetit është duke u përballur me një serë emergjencash kriza energjetike si dhe rritja e çmimeve të ushqimeve dhe karburantit.