Presidenti i Shteteve të Bashkuara të Amerikës, Donald Trump, po zhvillojnë një bisedë telefonike me homologun e tij rus, Vladimir Putin, lidhur me mundësinë e arritjes së armëpushimit.
Telefonata që po mbahet mesditen e sotme, cilësohet nga zyrtarët e Shtëpisë së Bardhë si pozitive dhe konstruktive, por arritjet e së cilës ende nuk dihen për shkak të “kokëfortësisë” së çdo pale të përfshirë në këtë luftë.
Sekretarja e Shtypit të Shtëpisë së Bardhë, Karoline Leavitt, ka folur shumë pak lidhur me këtë telefonatë që do të mbahet mes presidentësh, duke mos premtuar shumë mbi rezultate, por njëherazi dhe duke mos treguar diçka të re.
Duket se Trump i ka humbur durimi me Ukrainën dhe Rusinë, bazuar në deklaratën e Leavitt për media, pasi kjo e fundit u shpreh se Presidenti është i acaruar me të dyja palët e konfliktit.
“Ai e ka bërë shumë të qartë se deshiron të shohë një marrëveshje paqeje e t’i japë fund armatimeve sa më shpëjt të jetë e mundur. Presidenti e ka bërë shumë të qartë qëllimin e tij, të shohë armëpushimin dhe t’i vijë fundi këtij konflikti. Ai po acarohet me të dyja palët e konfliktit. Presidenti dhe ekipi i tij kanë vënë shumë mund për të zgjidhur këtë luftë të komplikuar, i cili filloi nga dobësia e administratës së kaluar”, tha Leavitt.
E ndërsa Trump njihet si një negociator i mirë, Ukraina dhe Rusia duket se po ja “përmbysin” këtë imazh. Mbetet për t’u parë se cili do jetë përfundimi pas këtyre bisedimeve dy palëshe.
Discussion about this post