Pas disa ditëve me diell dhe temperaturave relativisht të larta për periudhën në të cilën ndodhemi, kjo e mërkurë ka sjellë një kthesë të motit.
Gjatë orëve të drekës në lartësitë mbi 1000 metra mbi nivelin e detit kanë nisur reshjet e borës. Rënia e temperaturave deri në 3 gradë celsius bëri që zona e njohur si Qaf Murrize nga ku kalon edhe bypassi i Rrugës së Arbrit të nisnin reshjet e borës.
Reshjet të cilat vijojnë edhe në këto momente nuk kanë krijuar probleme për shkak se ende nuk ka arritur të vendosë shtresë. Megjithatë, situata mund të ndryshojë në orët në vijim nëse reshjet do të vazhdojnë dhe do të ketë rënie më shumë të tempraturave.
Reshjet borës mësohet se kanë nisur edhe në zona të thella të Bulqizës e Dibrës, si në fshatrat e Zerqanit, ato të Lurës e Kalasë së Dodës. Deri tani nuk raportohet të ketë probleme me qarkullimin e automjeteve.
Discussion about this post