Pa frikë mund ta quajmë se epoka e Kylian Mbappe dhe Erling Haaland ka nisur. Nëse deri në këto momente tifozët ishin të ndarë në Lionel Messi apo Cristiano Ronaldo, tashmë bota e sportit mund të ndahet në dy kampe të reja.
Manchester City dhe PSG janë ksuadrat më me fat, teksa në gjirin e tyre kanë lojtarë yje si Haaland dhe Mbappe.
Të dy si për ironi të fatit shënuan dopietë në ndeshjet e para të grupeve të Champions League duke iu dhënë fitoren skuadrave të tyre.
Po kush është më i miri mes të dyve? Kjo është pyetja që do të pozicionojë tifozët ose tek njeri ose tek tjetri lojtar.
I pari që e ka bërë diçka të tillë është ish-legjenda e Arsenal dhe Francës, Thierry Henry, i cili për “BT Sport” ka zgjedhur më të mirin sipas tij.
“Mbappe mund të krijojë dhe shënojë. Haaland nuk krijon, vetëm shënon. Mbappe mund të luajë në krahun e majtë dhe të atë të djathtë, përveçse mund të luajë në qendër të sulmit. Ndërsa Haaland mund të luajë vetëm si qendërsulmues.
Është një futbollist i mrekullueshëm dhe City mund të fitojë Champions-in me të. Po të kishte qenë ai vitin e kaluar kundër Real Madrid, kur kanë humbur shumë raste, do të kishte shënuar një ose dy gola. Megjithatë, për momentin, vota ime shkon për Mbappe”, ka deklaruar Henry.
Discussion about this post