Kanë nisur të mblidhen qytetarët e parë në Sheshin Skënderbej për të protestuar kundër rritjes së çmimeve, ashtu sikur ishte paralajmëruar në protestën e fundit. Qytetarët fillimisht do të grumbullohen në sheshin Skënderbej për të marshuar më pas para kryeministrisë.
Protesta e thirrur do të jetë nga e gjithë Shqipërisë, ndërsa organizatorët janë shprehur se do të qëndrojnë në shesh 24 orë që qeveria të reagojë. Protestat vijojnë prej disa ditësh kundër rritjes së çmimeve. Sot po marrin pjesë edhe shoqata të ndryshme si ajo e fermerëve, apo e personave me aftësi të kufizuar. Madje do të jenë aty edhe grupe interesi të ndryshme, të cilat preken po njësoj nga rritja e çmimeve.
Me dhjetëra qytetarë të të gjitha moshave janë mbledhur në shesh dhe brohorasin “Poshtë qeveria”, “Kush mbjell varfëri, do të korrë revoltë”. Ndërsa theksojë se janë sot në shesh që qeveria të plotësojë pa vonuar më 10 kërkesat e tyre, duke përmendur ligjin për minimumin jetik, uljen e TVSH për shportën bazë, uljen e çmimeve, reduktimin e taksave.
Discussion about this post