“Love Story” është një tjetër program dashurie, përveç “Për’puthen”, i cili ka nisur startimin ditën e sotme në Tv Klan.
Në hapje të programit, Alketa tregoi gjerë e gjatë për ndryshimet që ka pësuar formati nga viti i kaluar dhe risitë që do të sjellë për teleshikuesit.
Moderatorja e “Love Story 2”, shprehet se për këtë vit, në fron do të jenë katër të rinj, ku mes tyre do të jetë edhe djali i Robert Aliaj, Kris Aliaj, i cili vjen nga Belgjika.
“Kemi bërë disa ndryshime këtë vit në formulë dhe ende nuk e kemi zbuluar në mediat dhe portale, kështu që përfitoj në këtë rast. Duke falënderuar kastin e vitit të shkuar, që guxuan dhe erdhën në vitin e parë. Sot ju prezantoj jo vetëm djalin e Robert Aliajt që do të jetë në fron, por 4. Kemi zgjedhur 4 të rinj. Kris vjen nga Belgjika, djalit tjetër vjen nga Gjermania, Kemi dhe dy vajza me mendje plot.
Risia tjetër e këtij spektakli, duke shpresuar që të sjellim një nivel në mënyrë si të komunikojnë të rinjtë shqiptar, e kemi të rëndësishme këtë dhe nuk duam fare të devijojmë. Duke filluar nga nesër do të jetë dhe Eni Shehu çdo ditë me Love Story Talk nga ora 4 e pasdites deri në orën 5, jam e sigurt që do ju mbërthejnë çdo pasdite.”- thotë Alketa.
Gjatë përfundimit të fjalimit të saj, Alketa thumbon edhe programin rival “Për’puthen”, ku thotë se një fakt i rëndësishëm për spektaklin është mospërdorimi i një skenari.
“Një tjetër moment i rëndësishëm i këtij spektakli është se ju doni një spektakël pa skenar, kështu do jetë Love Story, nuk do të ketë skenar dhe do të lihet dashuria që të rrjedh natyrshëm si një përrallë.” – përfundon moderatorja.
“Për’puthen” është cilësuar gjithmonë si një emision me “skenar”, jo vetëm nga njerëzit, por edhe nga konkurrentët e vetë programit, ku së fundmi ka qenë Hyseni i cili ka hedhur akuza ndaj produksionit për diçka të tillë.
Discussion about this post