Ish-kryeministri Berisha ka nisur ditën e sotme të ashtu quajturën “Foltore” me demokratët, pas vendimit më të fundit të kryetarit të PD, Lulzim Basha për ta lënë jashtë grupit themeluesin e Partisë Demokratike.
Sali Berisha e ka nisur fjalën e tij me akuza të ashpra ndaj kryeministrit, duke e konsideruar ditën e sotme si të zezë për vendin, për shkak të betimit për herë të tretë në krye të qeverisë të Edi Ramës, që sipas tij e ktheu Shqipërinë në një narkoshtet.
“Të dashur demokrat një përzemër të përzemër për të gjithë ju. (Brohoritje: Berisha…Berisha. O Sali o hero gjithë Shqipëria ty të do). Pas themelimit të PD-së foltorja e shtatorit 2021 është përpjekja më e rëndësishme dhe historike e juaja për një parti demokratike më të bashkuar më të fortë më të hapur dhe të sigurt për të ardhmen e saj. Kjo foltore nis në një moment më kritik se cdo kohë tjetër për Shqipërinë. Sot në parlamentin shqiptar betohet për të tretën herë kreu i Meduzës së krimit të organizuar shqiptar, një gangster që nuk njeh normë as ligj por që ndërtoi cdo gjë të keqe” – u shpreh Sali Berisha.
Në momentin që demokratët e pranishëm në sallë kanë mësuar se Berisha ka mbërritur në ambientet ku do mbahet mbledhja, ata kanë shpërthyer në ovacione “Berisha! Berisha”. “O Sali, o hero të Shqipëria ty të do”, “Liri Demokraci”.
