Ish-presidenti Bujar Nishani nuk i ka ndalur sulmet ndaj kreut demokrat Lulzim Basha dhe kryeministrit Edi Rama, duke thënë vazhdimisht se mes tyre ka një pakt.
Nishani shkruan në Facebook se Rama dhe Basha po punojnë që shqiptarët të trajtohen si qytetarë të klasit të II-të me këtë ekonomi mizerabël dhe pa standarte demokratike.
“Edi Rama & Lulzim Basha synojnë e punojnë që shqiptarët të konsiderohen e trajtohen si qytetarë të Klasit të II-të ! Sipas platformës së tyre për shqiptarët mjafton kjo ekonomi mizerabël, për shqiptarët nuk ka nevojë për shtet serioz dhe institucione normale, për shqiptarët nuk ka nevojë për standarte demokratike”.
Ish-presidenti, një nga mbështetësit kryesor të Berishës, shkruan se për shqiptarët nuk janë të nevojshme standartet europiane, mjaft që Rama dhe Basha të vegjetojnë mbi mjerimin dhe talljen ndaj tyre.
“Për shqiptarët nuk janë të nevojshme standardet që gëzojnë popujt & shoqëritë e tjera evropiane. Mjafton që Rama & Basha të vegjetojnë mbi mjerimin dhe talljen ndaj shqiptarëve”.
Ndër të tjera, Nishani shprehet se shqiptarët nuk duhet të lejojnë të konsiderohen si qytetarët të Klasit të II-të!
