Ish-deputeti Myslim Murrizi akuzohet se ka fshehur një shumë prej 60 mijë euro, duke mos i deklaruar. Mësohet se kallëzimi ndaj Murrizit është bëra nga Drejtoria e Krimit Ekonomik, institucion i cili e akuzon ish-deputetin për fshehje të të ardhurave reale të pasurisë dhe pastrim parash.
Sipas burimeve, Myslim Murrizi akuzohet se ka fshehur pasurinë gjatë kohës që ushtronte detyrën si deputet në parlamentin shqiptar. Sipas policisë, ai nuk ka deklaruar të ardhurat e plota pranë ILDKPI-së, teksa akuzohet dhe për disa transaksione bankare, të cilat nuk ka mundur t’i justifikojë. Këto transaksione arrijnë në shifrën 515 mijë euro. Ish-deputeti akuzohet se përmes kompanisë “Murrizi 2009” ka kryer këto veprime bankare me individë të ndryshëm. Pasuria e pajustifikuar e Murrizit daton që nga viti 2010.
Discussion about this post