Ka nisur në 10:00 Asambleja e PS në Lalëz të Durrësit, ku Sekretari i Përgjithshëm Blendi Klosi çeli punimet e Asamblesë dhe sinjalizoi startin e saj me fjalën e Kryeministrit Rama.
Ky i fundit i surprizoi të gjithë, duke urdhëruar ndërprerjen e sinjalit për mediat: Ju kërkoj ndjesë për ndërprerjen e sinjalit, por dua të ndaj disa fjalë për familjen tonë politike në këtë asamble.
Pas disa minutash, Rama pritet të mbajë edhe fjalimin e plotë dhe publik për mediat dhe shikuesit.
Mbledhja e Asamblesë zhvillohet pas një periudhe me zhvillime të shumta politike dhe debate brenda Partisë Socialiste. Në fokus të diskutimeve pritet të jenë organizimi i partisë, zhvillimet e fundit dhe mesazhet politike që do të përcillen nga drejtuesit socialistë.
Vëmendja është përqendruar edhe te kryebashkiaku i Tiranës, Erion Veliaj, i cili ka kërkuar të marrë pjesë në Asamble dhe ka bërë thirrje për aktivizimin e mekanizmit të mocionit të mosbesimit ndaj Ramës, duke e cilësuar kryeministrin si pengesë për partinë.
Discussion about this post