Marrja e vazhdueshme e huave në sasi të larta nga qeveria, pakëson gjithmonë e më shumë mundësitë për pushtetin vendon që të marrë kredi. Në dokumentet e publikuara nga Ministria e Financave evidentohet se, zgjerimi i borxhit publik në gati 80 për qind të Prodhimit të Përgjithshëm Kombëtar, po përjashton në një farë mënyre bashkitë nga marrja e kredive për të kryer investime apo punime civile.
Këtë fakt e vërejnë edhe ekspertët e ekonomisë, të cilët shprehen se qeveria duhet të bëjë kujdes për strategjinë që përdor në marrjen e borxhit. Eksperti Pano Soko thotë se, nevoja që bashkitë të mund të marrin borxhe bëhet edhe më e nevojshme tani, për shkak të situatës së vështirë financiare që institucionet e pushtetit vendor po kalojnë. Ky shqetësim është ngritur edhe nga përfaqësues të bashkive, që teksa vlerësuar si të pamjaftueshme fondet e dedikuara për vitin e ardhshëm, kërkuan më shumë mbështetje nga pushteti qendror. Por gjithësi, qeveria ka vazhduar me planet e saj pa marrë parasysh sugjerime e grupit të interesit.
Discussion about this post