Ekonomia shqiptare ka nisur të rimëkëmbet pas pandemisë, por rritja e çmimeve po i jep një goditje të madhe ekonomisë. Kriza e çmimeve të nisura që muajt e parë të këtij viti pritet të paralizë përsëri ecurinë ekonomike në vend. Qeveria ka ulur pritshmëritë për rritjen ekonomike duke e çuar atë në 3.5% për vitin 2022 por nëse një situatë e tillë do të vijojë rritja ekonomike mund të jetë edhe më e vogël. Banka e Shqipërisë ndërkohë parashikon se inflacioni do të vijoj të rritet duke arritur deri në 6% në muajt në vijim.
Më tutje, të dhënat e INSTAT tregojnë se gjatë 2021 rritja ekonomike është 8,54% ose niveli më i lartë i regjistruar që prej vitit 2001. Por kjo shifër vjen më tepër si pasojë e llogaritjes me vitin 2020 ku pati një tkurrje të fortë të ecurisë ekonomike me rreth -4% si pasojë e pandemisë Covid, ndërsa me vazhdimin shifrat janë pesimiste.
Discussion about this post