Një shtetas shqiptar ka humbur jetën ditën e sotme, pasi është përfshirë në një aksident shumë të rëndë në Greqi. Sipas informacioneve, makina me të cilën udhëtonte 51-vjeçari shqiptar ka përfunduar në një kanal 4 metra të thellë dhe për pasojë drejtuesi i mjetit ka ndërruar jetë. Policia ende nuk ka zbuluar identitetin e shqiptarit që ndërroi jetë.
Ndër të tjera bëhet me dije se, trupi i tij u nxor pas disa orësh nga zjarrfikësit, pasi u bllokua në makinë si pasojë e deformimeve të shumta që pësoi mjeti. Nga të dhënat paraprake mësohet se shkak ka qenë shpejtësia dhe lagështira në rrugë nga reshjet e shiut.
Policia nuk ka bërë ende publik emrin e tij, po tregon se është shtetas shqiptar dhe është njoftuar menjëherë familja.
