Meledin Adili, 23-vjeçari i cili humbi teksa mblidhte boronica në bjeshkët e Kallabakut, Kukës nuk është gjetur ende. Edhe pse një ditë më parë u raportua se Adili ishte gjetur brenda 24 orëve pasi u dha alarmi për zhdukjen e tij, familja pretendon se 23-vjeçari nuk është kthyer në shtëpi. Në një mesazh drejtuar JOQ, familja Adili thotë se policia nuk ka rënë në gjurmët e djalit të tyre dhe se raportimet kanë qenë të rreme.
“Ju lutem nese mund ta nxirrni edhe njeher lajmin, Nese ndonje ka info ku behet kamping ne bjeshket e maqedonise Pasi po dyshojn mos eshte gjet nga ndonje turist atje. Po policia nuk ka arrit te gjej akoma asnje gjurme. Do ishte shum ndihme nese do e postonit dhe njeher se mos ndonjeri ka info. Eshte dita e 3 sot qe eshte i humbur, Te pakten ta dinim ku eshte, Sikur edhe i vdekur vetem ti gjejm trupin,”- shkruhet në mesazhin e familjarëve.
Meledin Adili u zhduk tre ditë më parë pasi kishte dalë të mblidhte boronica. Por, brenda 24 orëve u raportua se 23-vjeçari ishte kthyer në shtëpinë e tij. Sipas raportimeve, Adili ishte gjetur në një çadër turistësh ku ishte strehuar për shkak të motit të keq.
Discussion about this post