Një ditë para Kuvendit Kombëtar të Partisë Demokratike, thirrur nga ish-kryeministri Sali Berisha duket se dy “frontet’ brenda kësaj force politike do të sfidojnë njëra tjetrën sot. Sekretari i Pergjithshëm i PD, Gazment Bardhi ka njoftuar se do të mbajë një konferencë për shtyp në orën 16:30 në ambientet e selisë blu. Në të njëjtën kohë ish-lideri i Partisë Demokratike, Sali Berisha ka ftuar mediat që të jenë prezentë në deklaratën e tij për shtyp, që pritet të mbahet në orën 15.15 të ditës së sotme. Ndërkohë nuk dihet ende arsyeja e këtyre konferencave dhe se çfarë do të bëhet me dije në deklaratat që kanë njoftuar dy palët.
Ditën e nesërme pritet që të zhvillohet Kuvendi Kombëtar i PD-së, thirrur nga Sali Berisha pritet që të nisë në orën 10:00 në ambientet e stadiumit “Air Albania”. Ndërkohë selitë blu në degë të ndryshme të Shqipërisë vijojnë të lexojnë emrat e delegatëve që kanë firmosur për kuvendin e 11 dhjetorit, në emër të transparencës së firmave të mbledhura.
Discussion about this post