Është mbajtur këtë të mërkurë ceremonia e ngritjes simbolike e flamurit të Evropës në ambientet e Kryeministrisë, pas çeljes së negociatave për anëtarësimin e Shqipërisë në Bashkimin Evropian.
Gjatë fjalës së tij përshëndetëse, Kryeministri Rama ka dhënë një mesazh për Drejtësinë duke u shprehur se gjithçka varet nga puna e tyre.
“Ngritja ceremoniale e BE në ballin e kësaj godine nuk është simboli i fundit por përshkallëzimi i kësaj beteje. Nga sot rruga jonë bëhet shumë më sfiduese. Sot hyjmë në një fazë të re, aftësinë për ndryshim hyjnë në një sprovë të re. Edhe ligji dhe drejtësia hyjnë në një shkallë të re. Duhet t’u them përfaqësuesve të drejtuesve të drejtësisë së re do të varet gjithçka nga puna e tyre, mos u mohoni fëmijëve tuaj Shqipërinë evropiane që meritojnë, sa të jem këtu unë shumica e qeverisë nuk do të bëhet mburoja e asnjë subjekti apo ish funksionari”, u shpreh Rama.
Discussion about this post