Një ditë pasi ish-kryeministri Sali Berisha shkoi në selinë blu me mbështetësit e tij, kryedemokrati Lulzim Basha ka ironizuar duke thënë se ditë më të mira do të vijnë.
Ndërsa fton demokratët, t’i bashkohen Kuvendit 18 dhjetorit, Basha shprehet se PD u themelua për të ndarë të shkuarën nga e ardhmja, dhe për të rrëzuar kultin e individit, duke nënkuptuar këtu ish-kryeministrin dhe lëvizjen e tij për rithemelimin e PD.
“Ora më e errët është ajo pak përpara agimit. Kështu ishte 31 vite më parë, kur Partia Demokratike e Shqipërisë u themelua për të ndarë të ardhmen nga e shkuara, për të sjellë lirinë, për të rrëzuar kultin e individit dhe për ta ribashkuar Shqipërinë me Perëndimin. Kështu është sot. Prandaj ditët më të mira i kemi përpara. Demokratët do të bashkohen më 18 dhjetori për të zgjedhur sërish të ardhmen, e me qytetari do ofrojnë modelin e ndryshimit që shqiptarët kërkojnë, për t’i dhënë fund tranzicionit”, shkrun Berisha.
Dita e dje u shoqëruar me tensione të mëdha në PD, kur Berisha shkoi në seli për herë të parë pas përjashtimit nga grupi parlamentar dhe zhvilloi mbledhje me mbështetësit e tij, në të njëjtën kohë që po zhvillonte dhe kryedemokrati Lulzim Basha.
Discussion about this post