Një ditë pas fjalimit përmbyllës të mandatit të dytë, ku përveç falënderimeve nuk munguan as kritikat, ndër to dhe për Ministrinë e Arsimit, kryeministri Edi Rama është shfaqur sot pranë ministres Evis Kushi.
Duke inspketuar Rezidencën Studentore Universitare nr. 2, Rama nën shoqërinë e ministres Kushi, tha se me kohën vaksinimi për studentët dhe pedagogët do të bëhet i detyrueshëm.
Gjithashtu, ai komentoi dhe strehimin e afganëve në vend, duke thënë se mbërritja e tyre po shtyhet, ndoshta nuk do të jetë e nevojshme që afganët të strehohen nëpër konvikte. Por megjithatë sipas tij, këto struktura duhet të jenë gati.
