Një fëmijë vritet çdo 45 minuta në Gaza! Shifra tronditëse dhe dëshmi rrëqethëse nga lufta

Çdo 45 minuta një fëmijë vritet në Gaza.

Kështu e nis AlJazeera artikullin ku tregohen shifrat në lidhje me atë që ndodh me popullatën civile në Gaza dhe fëmijët në veçanti, që nga nisja e luftës.Që nga 7 tetori 2023, të paktën 17,400 fëmijë janë vrarë nga sulmet e izraelit, ku vetëm 15,600 prej tyre janë identifikuar. Shumë të tjerë mbeten të varrosur nën rrënoja, shumica e të cilëve supozohet se kanë vdekur.

Ndërkohë që ata që kanë mbijetuar janë të traumatizuar nga gjërat e përjetuara.

Çfarë ka mbetur nga fëmijët e Gazës?

Rreth gjysma e 2.3 milionë banorëve të Gazës janë fëmijë.

Gjatë 17 muajve të fundit, sulmet izraelite kanë kthyer shtëpitë e tyre në gërmadha, kanë shkatërruar shkollat e tyre dhe kanë mbyllur objektet e tyre të kujdesit shëndetësor .

Për ta vënë këtë në perspektivë, nëse do të kishit një dhomë me 100 fëmijë:

-2 janë vrarë

-2 janë të zhdukur, dyshohet të vdekur

-3 janë plagosur, shumë në gjendje kritike

-5 kanë mbetur jetimë ose të ndarë nga prindërit

-5 kërkojnë trajtim për kequshqyerje akute

Pjesa tjetër e fëmijëve mbajnë plagët e padukshme të luftës, trauma që prek shëndetin, sigurinë dhe të ardhmen e tyre mendore