Ka shumë vende urbane në botë që janë aq të mahnitshme saqë i lënë njerëzit pa fjalë
Një nga pamjet e tilla atraktive është Brondby Haveby, i njohur si “qyteti i kopshtit”, i cili ndodhet afër Kopenhagës në Danimarkë.
Ky “kopsht qytet” urban është bërë në rrethe: shtëpitë kanë një oborr të madh, por edhe një “dalje” në një rreth të përbashkët që ndahet me shtëpitë fqinje.
Banorët e këtij qyteti kanë mundësi të merren me kopshtari, por edhe të shijojnë natyrën dhe qetësinë.
Ideja për “qytetin e kopshteve dhe pemishteve” lindi në vitin 1964, kur arkitekti Eric Migind mori miratimin që projekti i tij të realizohej në komunën e Brondby. Më pas filluan të formohen rrathë magjepsës.
Arkitekti kishte vetëm një qëllim: komunikimin mes njerëzve.
Qyteti i kopshteve përbëhet nga 12 rrathë në të cilët ka parcela, domethënë kopshte. Kopshtet mund të merren me qira për 150 dollarë në muaj, dhe njerëzit mund të jetojnë në to/t’i marrin me qira, vetëm për 6 muaj në vit.
Synimi i këtij vendi është të imitojë modelin e fshatrave daneze nga shekulli i 18-të ku njerëzit do ta përdornin këtë vend për t’u shoqëruar dhe ndërvepruar me fqinjët, por edhe për t’u lidhur me natyrën. Për të lejuar privatësinë, çdo parcelë është e veshur me gardhe.
Discussion about this post