Alessandro Bastoni është njeriu kopertinë i mbrëmjes së sotme për raundit e dytë të Euroderbyt.
Interi, pas 2-0 në ndeshjen e parë, është vetëm 90′ larg një finaleje historike të Champions League.
“Si do të jetë udhëtimi nga Appiano Gentile në San Siro? Si çdo herë tjetër sepse, siç e thashë më parë për Benfikën, është një ndeshje futbolli dhe si e tillë duhet jetuar, me gjithë gëzimin dhe dashurinë që ndjejmë për këtë sport.
Do të jetë e rëndësishme të mbajmë një ekuilibër, sepse do të jetë një tjetër betejë e vështirë, ata do të jenë të ashpër sepse duhet të rikuperojnë rezultatin, por gjithashtu do të duhet të qëndrojmë të fokusuar dhe të luajmë siç kemi luajtur deri tani.
Fuqia e këtij grupi është se ne jemi të vetëdijshëm për forcën që kemi dhe e dimë se vetëm të bashkuar mund të marrim kaq shumë rezultate pozitive”, deklaroi qëndërmbrojtësi italian.
Bastoni rikthehet në rrugën e vështirë që e çoi Interin në gjysmëfinale. “I gjithë udhëtimi ynë ishte i rëndësishëm: shumë në grup menduan se ishim “të dënuar me vdekje” por në vend të kësaj ne u kualifikuam”.
Në lojën më të mirë. “Ajo kundër Benfikës (ku u vlerësua nga UEFA si lojtari më i mirë në fushë, ed.), ishte një ambient shumë i ngrohtë, një atmosferë e pabesueshme dhe fitorja ishte edhe më e bukur si kjo”, përfundoi Bastoni.
Italiani pritet që të jetë titullar në takimin e sotëm, bashkë me Darmian e Acerbi në mbrojtje.
FORMACIONI HIPOTETIK:
Onana; Darmian, Acerbi, Bastoni; Dumfries, Barella, Calhanoglu, Mkhitaryan, Dimarco; Dzeko, Martínez.
Takimi Inter-Milan, starton në orën 21:00.
Discussion about this post