Nëntë ditë më parë Boris Kleiman ishte një hero. Pasditen e 2 prillit në stadiumin Alexandra Avenue, Panathinaikos priti Volos në një ndeshje të play-off-it të Super League dhe donte vetëm fitore.
Në 90’+7, teksa ndeshja ishte 0-0, Sporar ekzekuton një penallti për Panathinaikos dhe të gjithë prisnin golin e fitores. Por, portieri 32-vjeçar i Volos kishte një mendim tjetër. Ai e pret penalltinë. Panathinaikos humb dy pikë dhe Kleiman bëhet hero. Nëntë ditë më vonë, më 11 prill, Kleiman do të kalojë nga parajsa në ferr.
Policia do ta arrestojë. Ai do të ndiqet penalisht për përdhunim seksual të një të miture si dhe furnizim me lëndë narkotike për përdorim personal. Kleiman akuzohet se ka përdhunuar në Kolonaki të Athinës një studente të mitur nga Belgjika.
Por kush është Boris Kleiman? Në kartën e tij të identitetit thuhet se ai ka lindur në vitin 1990. Ai filloi të luante futboll kur ishte i ri dhe ëndërronte të kishte një karrierë të shkëlqyer dhe një familje të madhe.
Nuk ia doli aq mirë në të parën. Në të dytën, deri tani mund të pretendohej se kishte një familje të madhe dhe të shkëlqyer. Ai është përkufizimi i një familjari të mirë me një jetë të lumtur, por siç thotë në profilin e tij në Instagram:
https://www.instagram.com/p/CQxsdQghM34/?utm_source=ig_embed&ig_rid=45c13e66-158c-4dd1-9b60-787b61bbc3fc
Gruaja e tij është gjithashtu dashuria e jetës së tij. Ajo është një kukull që mund të ndiqte karrierën e modelingut. Mirëpo Lian vendosi t’ia kushtonte jetën Borisit dhe familjes së saj. Së bashku kanë tre fëmijë. Ata u martuan në vitin 2010.
Djali i madh (Ariani) është 5 vjeç. Vajza, Selini është 3 vjeç dhe anëtari më i vogël i familjes është Romeo i lindur në Volos. Ai deklaron se është marrëzisht i dashuruar pas gruas së tij dhe gjithë familjes i pëlqen jeta dhe klima në Volos.
Kleiman ka lindur në një qytet ukrainas, Vinnytsia, i cili është një orë larg kryeqytetit Kiev. Para se ai të mbushte një vjeç, familja e tij u larguan për në Izrael, pasi ata janë hebrenj.
Boris u rrit dhe jetoi atje, por ai gjithmonë ka në zemër Ukrainën, ku ende jetojnë anëtarët e familjes së tij. Pasi ka luajtur në Qipro, ai ka 3 vite në Greqi dhe ka mësuar shumë fjalë greqisht.
https://www.instagram.com/p/ClN6ApTKUzS/?utm_source=ig_embed&ig_rid=dbd90fe5-5617-44f4-aeec-ca7f2fe282fb
Ai filloi të luajë futboll në Hapoel, por përvoja e tij e parë në divizionin e madh ishte si lojtar i Kfar Saba. Pak nga pak nisi të bëhej i njohur dhe u gjend në kombëtaret e vogla me izraelitët, që e quanin “Kasijas i vogël”.
Ai kurrë nuk i qëndroi atij pseudonimi, duke luajtur vetëm një herë për ekipin kombëtar (në një miqësore kundër Kroacisë në 2016). Në verën e vitit 2018, Kleiman vendosi të largohej nga Izraeli, pasi e pa që nuk kishte perspektivë zhvillimi, por edhe sepse mediat ishin tepër të shqetësuara për jetën e tij personale. Në vitin 2018 shkoi të luante në Qipro me Paralimni dhe në vitin 2020 mbërriti në Volos. Tashmë, pritet të shihet se si do përfundojë beteja e tij me drejtësinë.
Discussion about this post