Këtë të enjte u luajt java e parafundit e kategorisë Superiore, që përcaktoi tre pjesëmarrësit e parë të “Final 4”, ndërsa vendi i katërt do të vendoset në takimet e fundit.
Partizani fitoi në transfertë përballë Kukësit tashmë të rëbnë nga kategoria. Tri pikësh që i kalon “Demat” në vendin e dytë, teksa Vllaznia zbret e 3-ta pas barazimit 0-0 me Tiranën në “Air Albania”.
Skënderbeu barazoi 1-1 ndaj Laçit, falë një goli të shënaur në frymën e fundit. Ishte një ndeshje e çmendur, ku kurbinasit kryesonin minimalisht pak sekonda nga fundi. William Melo, zhbllokoi rezultatin në minutën 80-të, por një penallti e kthyer në gol nga Rashica në minutën e 97-të, ndryshoi rrjedhën. Me këtë barazim, Skënderbeu mban vendin e katërt me 48 pikë, ndërsa Laçi do të luajë në “play out”, aty ku kanë 43 pikë.
Me pikë më pak janë Tirana dhe Dinamo që u mposht nga Egnatia 0-1. Rrogozhinasve u mjafton vetëm 1 pikë për ta mbyllur sezonin zyrtarisht në vendin e parë.
Një tjetër rival që i është shtuar luftës për Final 4 është Teuta. “Djemtë e Detit” triumfuan në derbin e Durrësit, duke mposhtur Erzenin me rezultatin 0-2 dhe shkojnë në kuotën e 47 pikëve.
Discussion about this post