Mund të duke e çuditshme por një këshilltar në Kuvend e ka rrogën gati se vetë kryeparlamentarja. Pas skandalit me publikimin e pagave të janarit dhe disa të dhëna personale të mbi 600 mijë shqiptarëve, ditën e sotme është publikuar lista me rrogat e muajit prill. Madje në këtë listë përveç këtyre të dhënave, qytetarëve iu publikohen edhe numrat e telefonave.
Sigurisht, që të gjithë kanë mbetur pa fjalës nga rrogat e ministrave dhe punonjësve të tjerë të qeverisë. Ndërkohë në listën e publikuar gjenden edhe emrat e deputetëve të Kuvendit të Shqipërisë si dhe këshilltarëve të tyre. Në krye të listës me pagën 228,730.00 lekë qëndron ish-kryetari i Kuvendit Gramoz Ruçi dhe ajo që bie më shumë në sy është rroga e këshilltari i Kryetarit të Kuvendit, e cila kap vlerat e 192,900.00 lekë.
Më tej renditet deputetja Vasilika Hysi, me pagën 187,610.00 lekë, pasuar me po të njëjtën pagë nga deputi Myslim Murrizi. Taulant Balla ka një pagë prej 180,286.00 lekë, ndërsa pas tij vjen një drejtor në Administratën Shtetërore, me pagë 174,400.00 lekë. Mimi Kodheli ka një pagë prej 164,609.00 lekë, e ndjekur me po të njëjtën shifër nga Rudina Hajdari.
Discussion about this post