Në 25 Maj Tirana do të jetë një ndër tre kryeqytetet europianë futbollistikë, pasi luhet finalja e kompeticionit më të ri të UEFA-s, Conference League. Nga përllogaritjet e deritanishme, pritet që në Tiranë të vijnë rreth 35 mijë tifozë gjatë asaj jave dhe ditën e ndeshjes, duke kthyer të gjithë vëmendjen e kontinentit të vjetër te kryeqytetit shqiptar.
“Do të ketë reduktim të kapacitetit me 1000 tifozëve, për arsye se do të krijohen hapësira në sektorin aktual të tifozerisë mike, për 4 studio televizive të mediave ndërkombëtare, gjithashtu do të ketë një shtim të kapacitetit të tribunës së medias nga 75 në 300 vende, që do të reduktojë rreth 400 postacione në tribunën qendrore,” – tregon, Andi Verçani, drejtor i marrëdhënieve me publikun në FSHF.
Discussion about this post