Ermal Matishi 38-vjeçari që qëlloi me armë zjarri drejt të riut të identifikuar si Arben Bekteshi në Elbasan kishte shkuar të merrte hakun e një sherri të ndodhur pak ditë më parë.
Mësohet se Ermal Matishi kishte gjurmuar Bekteshin dhe i ka zënë pritë në lagjen e tij pasditen e sotme. Matishi e ka pikasur Bekteshin dhe ka qëlluar shtatë herë drejt tij, por shënjestra u ka shpëtuar plumbave. Me ardhjen e policisë, Matishi ka hedhur armën dhe është larguar. Ai është shpallur në kërkim.
Kujtojmë se 3 javë më parë ka pasur një tjetër përplasje mes personave. Shkak është bërë një parakalim i gabuar.
Ngjarja ka ndodhur, në lagjen “Skënderbeg”. E. M. rreth orës 20:00 të mbrëmjes ka qëlluar me armë zjarri pistoletë në drejtim Arben Bekteshi 30 vjeç, banues në Elbasan, i cili ishte duke qarkulluar me automjetin e tij.
Grupi hetimor, nën drejtimin e Prokurorisë pranë Gjykatës së Rrethit Gjyqësor Elbasan, po vijon veprimet, me qëllim zbardhjen e plotë të rrethanave të ngjarjes.
Discussion about this post