A do të dëshironit të flinit një natë në shtëpinë e një ylli hollivudian?
Këtë ua mundëson aktorja e njohur Gwyneth Paltrow, e cila ka vendosur në Airbnb shtëpinë që ka në Kaliforni.
Dhe nga data 15 gusht deri në 9 shtator mund të rezervosh falas, një natë për dy persona.
“Shtëpia në Kaliforni është vendi ku unë vij dhe relaksohem. Është vendi ku vij dhe gjej frymëzimin që më duhet për punën time me Goop dhe për t’u rilidhur me familjen dhe miqtë e mi të çmuar”, shkruhet në njoftim.
Paltrow do të jetë aty për të përshëndetur mysafirët e saj pas mbërritjes për qëndrim – check-in është pas orës 16:00 me daljen para orës 11:00 Pr.
Shtëpia është e madhe, por në dispozicion do të jetë një pjesë e saj së bashku me pishinën. Ka një krevat dopio dhe përveç veçorive tipike si parkim falas dhe ajër të kondicionuar, prona është e pajisur me kamera sigurie.
“Të ftuarit do të kenë akses në oborr dhe pishinë, thuhet në listë, por jo në shtëpinë kryesore. Ka kamera sigurie 24/7 për qëllime sigurie dhe do të ketë siguri 24-orëshe në vend gjatë qëndrimit tuaj. Pa kafshë shtëpiake, pa duhan, pa drogë apo aktivitete të paligjshme. “Unë gjithashtu kam një politikë të rreptë “jo parti”.
Në natën e qëndrimit mysafirëve do t’u ofrohet trajtimi në SPA dhe produktet e Goop, kompanisë që Gwyneth zotëron, si edhe do të marrin pjesë në një seancë meditimi.
Discussion about this post