Dje, brenda 24 orëve Italia dhe Argjentina u shpallën kampione të kontinenteve të tyre, përkatësisht në Europë dhe në Amerikën e Jugut. Një gëzim i madh për të dy popujt, që në fakt ishin përballur me sfida të mëdha para triumfeve.
Një prej tyre ishte humbja e Diego Armando Maradonas, që humbi jetën më 25 nëntor të vitit të shkuar dhe shokoi gjithë Italinë, ku ka shkëlqyer me Napolin dhe natyrisht Argjentinën, me të cilën pushtoi botën në Botërorin e 1986-ës.
Gazeta argjentinase “Ole” jep idenë e një ndeshje mes dy ekipeve në nder të Diegos. Do ketë edhe një trofe dhe do konsiderohet si një Superkupë. “Supercopa Maradona” është propozuar të quhet kjo ndeshje, që do propozonte ndeshjen e dy kombeve me të cilët Maradona është lidhur më shumë.
