Pesë persona janë vrarë sot në një shtëpi të pleqve në qytetin Daruvar të Kroacisë, pasi një person hyri dhe qëlloi me armë.
Siç raportojnë mediat kroate një burrë hyri në shtëpinë e të moshuarve dhe filloi të qëllonte mbi njerëzit.
Pesë persona humbën jetën në vend, ndërkaq disa të tjerë u plagosën.
Pas aktit, vrasësi që besohet të jetë polic ushtarak ka ikur, por policia arriti ta kapte shumë shpejt.
Sipas mediave kroate, përveç punonjësve dhe banorëve të tjerë, në mesin e të vrarëve dyshohet se është edhe nëna e të armatosurit.
Siç ka bërë të ditur e përditshmja kroate Jutarnji list, vrasësi me inicialet K.P nga Donji Daruvar, i lindur në vitin 1973, ka hyrë në shtëpinë e të moshuarve dhe ka filluar të qëllojë.
Personi që akuzohet për kryerjen e krimit tani ndodhet nën mbikëqyrjen e policisë.
Discussion about this post