Në një kohë që Vladimir Putin ka intensifikuar sulmet mëngjesin e sotëm në Ukrainë, po flitet për një raund tjetër negociatash mes dy vendeve.
Bisedimet e mëtejshme midis Rusisë dhe Ukrainës mund të zhvillohen javën e ardhshme, sipas Mykhailo Podoliak, një këshilltar i lartë i presidentit ukrainas Volodymyr Zelensky.
“Sapo të përpunohen formatet e ndërsjella ligjore, do të planifikohet një tjetër takim, raundi i katërt i negociatave. Mund të jetë nesër, apo dhe pasnesër… Ka propozime të ndryshme në tryezën e bisedimeve tani, ka shumë prej tyre, ka një duzinë propozimesh, duke përfshirë një zgjidhje politike dhe më e rëndësishmja, një zgjidhje ushtarake. E kam fjalën për një armëpushim, një formulë për një armëpushim dhe tërheqjen e trupave. Ndoshta nuk është e nevojshme të shkojmë më tej dhe thjesht të kemi bisedime. Ne diskutuam të gjitha çështjet, tani po përpiqemi t’i paketojmë këto çështje në disa formate ligjore”, tha Podoliak.
Të shtunën, Podoliak postoi një përditësim mbi bisedimet në Twitter dukë thënë se negociatat me delegacionin e RF (Federatës Ruse) tani janë duke vazhduar në një format video të vazhdueshme.
Discussion about this post