Sot bëhet një vit nga shpallja non-grata e ish-kryeministrit Sali Berisha nga DASH. POër këtë ka reaguar kreu i Grupit Parlamentar të PS-së, Taulant Balla i cili thotë se është detyrim i drejtësisë shqiptare që të hetojë Berishën për korrupsion. Në një postim në facebook, Balla shkruan se një pjesë nga deklarata e bërë një ditë më parë në Këshillin Kombëtar të Integrimit Europian ku shprehej se çfarë opinioni ka SPAK për shpalljen non-grata të Berishës.
“Çfarë opinioni ka prokuroria shqiptare për non-graten? Shtetet e Bashkuara të Amerikës kanë përcaktuar publikisht Sali Berishën, ish-Presindeti i Shqipërisë, ish-Kryeministër, ish-Deputet i Kuvendit të Shqipërisë, për shkak përfshirjes së tij në korrupsion të konsiderueshëm, kjo është gjëja më e rëndësishëm që unë mendoj që kemi detyrim ndaj shqiptarëve. Unë besoj që Shqipëria si një vend që Shtetet e Bashkuara të Amerikës i konsideron si partnerin e tyre strategjik duhet t’i marrin seriozisht dokumentet zyrtare të Shteteve e Bashkuara të Amerikës, në cilësinë e tij si zyrtar, si Kryeministër i Shqipërisë, sipas Shteteve të Bashkuara të Amerikës Sali Berisha është përfshirë në veprime korruptive të tilla si: shpërdorimi i fondeve publike, ndërhyrje në procese publike, duke përfshirë përdorimin e pushtetit për përfitime personale, shpërdorim detyre thotë Kodi Penal në Republikën e Shqipërisë. Për të pasuruar aleatët e tij politikë dhe anëtarët e familjes së tij, pjesa tjetër ishte, kodi e thotë për korrupsion” – shkruan Balla.
Balla gjithashtu i bën pyetje Prokurorisë nëse ka bërë ndonjë lëvizje deri më tani në lidhje me Berishën. Ai gjithashtu thotë se Prokuroria duhet të veprojë si me ish-Prokurorin Adriatik Llalla.
“Tani pyetja që është: Prokuroria Shqipatare ka regjistruar ndonjë procedim penal kryesisht për këtë? Prokuroria Shqiptare mos i ka çuar gjë ndonjë letër porosi, Shteteve të Bashkuar të Amerikës, Departamentit Amerikan të shtetit?, – t’i pyesi nëse keni dokumentacion, se ata e kanë bazuar këtë në seksionin 7031, në Departamentin e Shtetit, ku kanë gjithë dosjen përkatëse. Natyrshëm vura këtë sepse një Non Grata tjetër, është hetuar në fakt nga Prokuroria dhe jemi këtu dhe për t’i thënë bravo kur kanë bërë punën, kemi rastin e ish-Prokurorit të Përgjithshëm, ku është bërë puna dhe standardi meqë më kërkuat, s’duhet të jetë i dyfishtë” – deklaron Balla.
Discussion about this post