Ka kaluar një vit nga vrasja e bujshme e Klodian Rashës, 25-vjeçarit, që u ekzekutua me armë zjarri shumë pranë banesës së tij nga efektivi Nevaldo Hajdaraj.
Mbrëmjen e sotme në kujtim të tij, qytetarët kanë zhvilluar homazhe. Ata kanë vendosur pankarta ku shfaqet portreti i Rashës, si dhe kanë ndezur qirinj, pranë Ministrisë së Brendshme.
“E vrau diktatura”, thuhet në një nga pankartat, ndërsa në një tjetër shkruhet: “Virusi nuk del pas orës 23:00”, duke iu referuar këtu arsyes se përse i riu u kërkua nga policia që të ndalonte.
Efektivi Nevaldo Hajdaraj është dënuar me 10 vite burg, pasi përfitoi dënim të shkurtuar sepse pranoi fajin e krimin e bërë.
Discussion about this post