Bashkia e Sarandës është vënë në qendër të akuzave për punësimet klienteliste dhe nepotike, ku drejtuesit më të lartë të saj akuzohen se kanë ndërtuar brenda institucionit një rrjet të ngushtë familjar dhe miqësor.
Rasti më flagrant është ai i kryetari të këshillit Bashkiak Asaf Stroka, i cili ka ndihmuar në punësimin e kushërirës së tij në pozicionin e Drejtoreshës së Financave, si dhe të mbesës së saj, znj. Nikolla, e cila punon si specialiste për prokurimet e vogla në të njëjtën drejtori.
Ky është vetëm një prej rasteve që lidhen direkt me emrin e Strokës, por në një publikim në rrjetet sociale të faqes “Disidentët”, janë renditur një sërë rastesh të tjera që hedhin dritë mbi mënyrën se si postet publike janë shpërndarë mes të afërmve të drejtuesve të Bashkisë Sarandë.
Sipas faqes Disidentët:
- Këshilltari i Kryetarit, z. Havale, është djali i tezes së gruas së Kryetarit të Bashkisë.
- Këshilltarja tjetër, znj. Bejko, e punësuar njëkohësisht si në Bashkinë Tiranë, ashtu edhe në Sarandë, ka ndihmuar në emërimin e djalit të hallës si drejtor i Shërbimeve Publike.
- Kryetari i Këshillit, z. Asaf Stroka, rezulton të jetë kushëri i Drejtoreshës së Financave, znj. Stroka, ndërsa mbesa e saj, znj. Nikolla, është specialiste në të njëjtën drejtori, përgjegjëse për prokurimet e vogla.
- Znj. Koka, përgjegjëse e zyrës juridike, ka të punësuar në Bashki edhe bashkëshortin e saj, z. Bebri, punonjës në Ndërmarrjen e Shërbimeve, si dhe kunatin, i cili është inspektor në IVMT.
- Znj. Shkurti, Shefe e Kabinetit, ka nipin, z. Thoma, të emëruar si përgjegjës në Urbanistikë, ndërsa kusheriri i bashkëshortit të saj, z. Bajrami, është drejtor i kësaj drejtorie.
- Nënkryetari i Bashkisë, z. Sali, ka të punësuar në Bashki kushërirën e tij, znj. Bajrami, specialiste në sektorin e taksave.
- Gruaja e shoferit të Kryetarit mban postin e shefes së protokollit.
“Mesa duket bëhet fjalë për një praktikë të përhapur në Bashkinë Sarandë, ku lidhjet familjare dhe miqësore qëndrojnë mbi meritokracinë. Ka akoma…”, përfundon denoncimi, duke lënë të kuptohet se kjo është vetëm maja e ajsbergut.
Discussion about this post