7000 besimtarë u mbledhën brenda Bazilikës për meshën e Krishtlindjes, ku Papa Françesku ka mbërritur në një karrige me rrota për shkak të problemeve të njohura të gjurit.
Gjatë fjalës së tij Papa tha se për shkak të konsumit njerëzit po humbasin ndjenjën e Krishtlindjeve dhe se të dobëtit janë bërë viktima të lakmisë së njeriut.
Papa Françesku shtoi se njerëzit e uritur për pushtet konsumojnë vëllezërit dhe motrat e tyre.
“Çfarë thotë kjo natë për jetën tonë? Dy mijëvjeçarë pas lindjes së Jezusit, pas shumë Krishtlindjeve të festuara mes dekorimeve dhe dhuratave, pas kaq shumë konsumimi që ka mbyllur misterin që festojmë, ekziston rreziku: ne dimë kaq shumë gjërat për Krishtlindjet, por ne harrojmë kuptimin e saj. Të brishtët dhe të dobëtit janë viktima të lakmisë së njeriut. Edhe fëmijët sot janë gllabëruar nga luftërat”, tha Papa.
Papa theksoi se rëndësia e kësaj feste është pikërisht dashuria dhe ndiha që u jepet njerëzve në nevojë.
“Krishtlindjet nuk festohen pa të varfrit. Por njerëzimi, i pangopur për para, pushtet dhe kënaqësi, nuk u lë vend të varfërve”, tha Papa.
Shumë njerëz ndoqën ceremoninë nga ekranet gjigante të vendosura në sheshin Shën Pjetër. Kjo është hera e parë që janë mbledhur kaq shumë njerëz që nga fillimi i pandemisë.
Discussion about this post