Regjisori Mevlan Shanaj ka shprehur sot keqardhje që njerëzit kanë lënë pas kulturën e vërtetë dhe janë fiksuar pas emisioneve si “Big Brother” apo “Për’puthen. Pemës një interviste televizive ai tha se, kjo ndodh edhe për shkakun se qytetarët nuk kanë alternativa të tjerë. Sipas tij, është e turpshme që prej kohësh në Shqipëri, nuk ka më kinema, duke sjellë që publiku të orientohet tek këto prodhime. Ai e quan këtë situatë një gjenocid ndaj kulturës.
“Sot në Shqipëri po bëhet dhunë kulturore. Është një gjenocid. Ky formatim social, i paditur, i painformuar, do të bjerë viktimë që të shikojë Big Brother-in. Shqiptarët nuk kanë çfarë të shohin tjetër. Dikur kishte një kinostudio, tani ajo nuk ekziston më. Dikur kishte kinema, tani nuk ka më as kinema, as filma shqiptarë. Tani Shqipëria ka vetëm filma turq, dhe i vetmi prodhim shqiptar është Big Brother dhe Përputhen. I mungon një alternativë tjetër. Është një informacion i kufizuar, por gjithashtu i imponuar”, tha ai.
Ndër të tjera regjisori tha se, këto emisione japin para ama nuk nxjerrin vlera dhe nder. Sipas tij, është e dhimbshme që ata lavdërohen se kanë marrë shumë klikime.
“Unë dhe kolegët e mi kemi përfituar nga puna jonë respektin e publikut. Kjo është pasuria më e madhe për ne, adhurimi i njerëzve. Kjo vlen më shumë se sa çfarë po shohim kohët e fundit, siç këto novelat apo përrallat me mbret si Big Brother. Ata janë programe që prodhojnë para, por para lavdisë së nderit, para personalitetit, paratë janë të këqija. Unë dhe shokët e mi jetojmë të nderuar. Nuk është slogan për të shitur mend, por asnjëri nga ne nuk lyp, asnjëri nga ne nuk është bërë manjat i ndonjë medieje që të ketë para pafund. Unë kam 45 vjet me këtë emër, nuk bëhet dot emri për 45 ditë”, tha Shanaj, duke iu bërë thirrje prindërve që të t’i orientojnë fëmijët drejt kinemasë dhe librit.
Discussion about this post