Ndërkohë që kryeministri Edi Rama i shpalli luftë bizneseve për zaptim të hapësirave publike, faktet tregojnë se pikërisht shkelësit e këtij ligji janë vetë drejtorët socialistë bashkiakë. Një shembull fragrant, sesi këta njerëz, që janë zgjedhur për të zhvilluar qytetet e tyre në shërbim të qytetarëve, i kanë masakruar ato duke ndërtuar bizneset e tyre të paligjshme, është edhe qyteti i Pogradecit.
Një seri denoncimesh janë dërguar në lidhje me disa emra zyrtarëve të lartë të Bashkisë Pogradec, të cilët akuzohen për shfrytëzim të funksioneve të tyre në favor të interesave private.
Nga ndërtimet pa leje në trotuare dhe plazhe publike, deri te përdorimi i punëtorëve dhe materialeve të shtetit për biznese personale, rastet ngrejnë pikëpyetje serioze për korrupsion dhe konflikt interesi në administratën lokale.
Nisur nga aksionet e fundit të shtetit për të prishur bizneset zaptuese, duket se pikënisja duhet të vijë fillimisht tek objektet e drejtorëve të bashkive që po bëjnë kërdinë!
Qytetarët kërkojnë hetim të thelluar mbi këto raste dhe ndëshkimin e të gjithë atyre që kanë përdorur pushtetin për përfitime personale, duke dëmtuar hapësirat publike dhe cilësinë e jetës në qytet.
OBJEKTET E DREJTORËVE SHTETËRORË NË BASHKINË POGRADEC
Pronë e Enton Berberit, drejtor i Punëve Publike në Bashkinë Pogradec.
Posedon Bar-Restorant “La Scala” në hyrje të Pogradecit, të cilin e ka ndërtuar me materialet dhe punëtorët e drejtorisë që drejton.
Pronë e Beni Beshktashajt, drejtor i Parqeve në Bashkinë Pogradec.
Ka ndërtuar së fundmi një beach-bar, duke zënë hapësirë publike në pjesën e shetitores, në zonën e plazhit.
Pronë e Shkëlqim Agos, drejtor i Menaxhimit të Varrezave në Bashkinë Pogradec.
Ka konflikt interesi, pasi përdor funksionin në shërbim të bizneseve të tij. Ka edhe biznes mermeri dhe një restorant për drekat e vakive.
Restoranti është ndërtuar mbi trotuar, duke sjellë vështirësi për kalimtarët.
Pronë e Irsa Karapanças, drejtoreshë e Financave në Bashkinë Pogradec.
Ka bërë ndërtim mbi trotuar, duke vështirësuar kalimin e qytetarëve, duke shfrytëzuar funksionin e saj dhe duke ndikuar në marrjen e lejes.
Paskalino Ziko është shefi i Urbanistikës, me firmën e të cilit kryhet çdo lëvizje në Pogradec. Arkitekti i gjithë degradimit urban, së bashku me kryetarin.
Discussion about this post