Dy persona kanë rënë në prangat e policisë në Gjirokastër. Burime nga policia për gijotina.com bëjnë me dije se, mëngjesin e kësaj të diele është arrestuar i riu i identifikuar me iniciale A. B., 22 vjeç banues në Tiranë.
Gjatë kontrollit të tij nga uniformat blu atij u gjet dhe u sekuestrua në cilësinë e provës materiale 7 doza me lëndë të dyshuar narkotike cannabis sattiva.
Po nga këto struktura, është arrestuar edhe H. Ç., 30 vjeç, banues në Gjirokastër, pasi nga kontrolli i ushtruar në automjetin e tij u gjet dhe u sekuestrua në cilësinë e provës materiale një dozë me lëndë të dyshuar narkotike kokainë.
Ndërsa në Tepelenë është arrestuar një shtetas i huaj me iniciale M. M., 30 vjeç, banues në Marok, i cili në fshatin Vasjar, Memaliaj ka vjedhur automjetin tip “Mitsubishi” në pronësi të personit me iniciale E. Ll.
Gjithashtu rezultoi se marokeni po drejtonte automjetin e vjedhur në gjendje të dehur.
Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër për veprime të mëtejshme.
Discussion about this post