Njihuni me parashikimin e motit për ditën e sotme

Vendi ynë gjatë pjesës së parë të ditës do të jetë në dominimin e vranësirave të shpeshta të cilat do të sjellin reshje të pakta shiu dhe dëbore.

Ndërsa në pjesën e dytë të ditës parashikohet të kemi përmirësim gradual të kushteve të motit, duke bërë që territori të jetë me alternime kthjellimesh dhe vranësirash të pakta.

Temperaturat e ajrit do të vijojnë të ulen në mëngjes, por rriten në mesditë duke luhatur vlerat ditore nga -7°C deri në 11°C.

Era do të fryjë e me shpejtësi mbi 60 km/h kryesisht nga drejtimi Verilindore duke krijuar në brigjet detare dallgëzim mbi 5 ballë.

Rajoni dhe Europa

Europa, në pjesën më të madhe do të jetë nën dominimin e motit të qëndrueshëm, në Skandinavi dhe Lindje të kontinentit. Po ashtu me kthjellime dhe kalime vranësirash do të jenë pjesa me e madhe e Europës Qëndrore dhe Jugore. Ndërsa Brigjet e detit të Zi dhe brigjet e Egjeut paraqiten me vranësira dhe reshje të dendura shiu. Gjithashtu, gadishulli Iberik vijon me rrebeshe të shiut dhe erës së fortë.

Kosova

Republika e Kosovës mbetet në ndikimin e motit të vranët i cili do të sjelli reshje në të gjithë territroin. Parashikohet që reshjet të jenë dëbore si pasoj e temperaturave shumë të ulëta që po përjeton momentalisht Kosova.