Në kulmin e protestave të përditshme pranë Kryeministrisë, Ambasada e Shteteve të Bashkuara në Tiranë ka lëshuar një njoftim për qytetarët e saj, duke u bërë thirrje të shmangin zonat ku po zhvillohen tubimet.
Sipas njoftimit, protestat që po mbahen në Bulevardin “Dëshmorët e Kombit”, mes Sheshit “Skënderbej” dhe Sheshit “Nënë Tereza”, pritet të vijojnë edhe në ditët në vijim dhe mund të shtrihen në zona të tjera të kryeqytetit.
Paralajmërim për situatë të paqëndrueshme
Ambasada thekson se, edhe pse tubimet shpesh nisin në mënyrë paqësore, situata mund të ndryshojë shpejt, duke sjellë tensione dhe bllokime të qarkullimit.
Në njoftim përmendet gjithashtu mundësia e pranishmërisë së shtuar të forcave të rendit, devijimeve të trafikut dhe vështirësive në lëvizje gjatë orëve të protestave.
Këshilla për qytetarët amerikanë
Autoritetet u kanë kërkuar qytetarëve amerikanë në Shqipëri që:
Të shmangin demonstratat dhe zonat e grumbullimeve
Të jenë të kujdesshëm në lëvizje dhe rrethina
Të ndjekin mediat lokale për përditësime
Të kenë plan emergjence në rast situatash të papritura
Discussion about this post