Qeveria Spanjolle tregoi pak ditë më parë se shumë shpejt mund të njoh Kosovën si shtet dhe ky është një lajm shumë i mirë, që i hap dritë jeshile integrimit të Kosovës. Lidhur me këtë çështje ka folur sot, juristi Muhamet Kelmendi, i cili është shprehur se njohja nga Spanja do të shërbej si shembull për shtetet që ende nuk e kanë njohur shtetin e Kosovës.
Përveç kësaj, juristi thekson se njohja nga Spanja do e bëjë më të lehtë edhe për procesin e dialogut. “Është një gjë shumë domethënëse lajmi se qeveria spanjolle e Pedro Sanchez do të njohë shtetin e Kosovës. Kjo njohje do të shërbej si shembull për shtetet tjera të UE-es që ende nuk e kanë njohur Republikën e Kosovës. Me këtë fillon një etapë e re e shtetit të Kosovës në raport me UE. Njohja e tillë i shërben Kosovës edhe në dialog me shtetin serb. Kjo për faktin se ndarja a ndonjë status tjetër serb më lehtë kundërshtohet. Edhe përfaqësuesi i Spanjës, z.Borrell, me siguri e vërehen qëndrimin se fillon mbi bazën e shtetit të Kosovës të konkludon”, tha ai.
Sipas tij , me njohjen nga shteti spanjoll, edhe Unioni do të fillojë të marrë vendime për Kosovën si shtet, e jo si territor pa status. Po ashtu, ai thekson se bëhet statusi i shtetit bazë, madje edhe njohja nga Serbia do të bëhet e domosdoshme. “Thyerja e rezistencës disa vjeçare e mosnjohjes fiton në peshë. Kështu fillon etapa e njohjeve dhe me siguri se vazhdon me Greqinë e me shtetet tjera që ende nuk e kanë njohur shtetin e pavarur dhe sovran të Kosovës. Edhe UE fillon etapa e re. Unioni fillon të marrë vendime për Kosovën si shtet e jo si territor amorfë pa status. Ndaj Serbisë fiton në peshë Kosova. Shteti si bazë e dialogimit bëhet bazë kryesore. Serbia humb ende një adutë të fortë në raport me Kosovën. Bëhet statusi i shtetit bazë kryesore. Nuk ka nga shkon shteti serb. Njohja bëhet e domosdoshme”, ka thënë ai.
Kelmendi tha se, ky është një hap i madh për Kosovën, sepse fiton edhe njohje të reja në Azi dhe në Amerikën Latine, si dhe në Afrikë.
Discussion about this post