Newcastle United është futur fuqishëm në garë pasi ka pretendime të larta për të fituar trofe në një kohë shumë të shkurtër. Në kampin e skuadrës angleze që pas kalimit në duart e sheikëve arab janë lakuar shumë emra për të zbarkuar tek kjo skuadër. I fundit që mediat britanike kanë zbuluar se ka përfunduar në fokusin e Njukasëllit është futbollisti i Juventusit, Aron Ramsey.
Sipas ‘’ The Mirror “ pronarët arabë të anglezëve nuk janë aspak të shqetësuar për pagën që përfiton uellsiani tek Juventus por përkundrazi do të ndërmarrin çdo nismë për ta transferuar në ‘’ St James ‘Park “ . 30 vjeçari luajti për shumë vite në Angli tek Arsenali dhe kërkon të largohet nga Juventusi pasi nuk ka qenë kurrë zgjedhje e parë. Bardhezinjtë kërkojnë ta shesin për tu liruar nga paga e tij e lartë teksa në janar uellsiani pritet të largohet përfundimisht nga Torino.
